mujhe nai pata mere life kha ja rhi hai.
me bhut depressed hu life se.me kisi se bahar baat tk nai kr skta.
bahar dusro ke sath rh nai skta .social anxiety bhi hai.interview bhi nai de pata aur agr select ho jata hu to join krne ka mann nai hota .apne ghr ko chhodne ka mann nai hota
Simran Patel @simranpatel
Apne aap par bharosa rakho. Apne aap ko pehchaanna aur apne aap ko behtar banane mei waqt lagta hai. Yeh zaruri hai ki tum koshish karo. Abhi thode khoye hue ho, raasta dhoondte raho. Jab apni pasand ki raah mil jaaye, manzil bhi mazar aane lagegi. Good luck❤️
koi baat nahi, depression mein aisa hota hai. kuch karne ka mann nahi karta. magar aap fikar mat karo. dheere dheere koshish karte raho. bilkul simple cheezon se start karo. pehle bas ghar se bahar nikalke thodi fresh hava lo. kuch mat karo, kisi se baat karne ka mann abhi nahi hai to mat karo. fir jab bahar ki hawa thodi achi lagne lage, to kuch dinon mein thoda aur koshish karo. shayad market tak chale jao. aur jisse thoda hello hi karna pasand hai, usse thodi baat karo. jitna mann ho, utni baat karo, magar baat karte raho. apne andar kuch dabake mat rakho. aapke ilawa aapke ghar mein kaun rehta hai? agar koi family member ya dost hain, to unse baat karein. Depression se bahar aane mein samay lag sakta hai, lekin agar aap pehchante hain ke aapko depression hai, aur aap usko theek karna chahte ho to wahi pe aapne ek bohot achi shuruwat kar li hai. zyada bojh na lein, jo din jaise aata hain, jis pal mein aap ho, bas usko mehsoos kijie. zyada cheezein ke baarein mein mat sochie, koi bure khayal aate hain to unhe chakma deke kisi aur cheez ke bare mein sochne lag jaiye. Aapko yaad hai ke aap last kab khush the? kya aap aasman ko dekh kar, ya fir kisi pyaare se doggy ya bache ko dekh kar khush hue the? jo bhi cheez ne aapko kabhi bhi khushi di hai, bas usko yaad karie aur mehsoos karie. aap iss bimari se nikal paenge, aap kar sakte ho. ham sab aapke sath hain, baat cheet chalte rehne dijie. agar koi dost pooche ke kaisa lag raha hai, to usse thodi khul ke baat karne ki koshish kariye. mujhe aap par bharosa hai ke agar aap koshish karte rahe, to behtar hote rahenge. himmat mat hariega. aap akele nahin hai iss ladai mein. mein apke sath hu, aap chinta mat karie, bas koshish karte rahie
