Mann @mann1317
Kar Longa Jama Daulat o Zar Uske Baad Kia
Le Longa Shandaar Sa Ghar Uske Baad Kia
Mai Ki Talab Jo Hogi Tou Ban Jaounga Main Rind
Kar Longa Maikadon Ka Safar Uske Baad Kia
Hoga Jo Shouq Husn Se Raaz o Niyaz Ka
Kar Longa Gaisooun Mein Sahar Uske Baad Kia
Shair o Sukhan Ke Khoob Sajaounga Mehfilen
Dunya Mein Hoga Naam Magar Uske Baad Kia
Mouj Aayegi Tou Sare Jahan Ki Karonga Sair
Wapas Hi Purana Nagar Uske Baad Kia
Aik Roz Mout Zeest Ka Dar Khatkhataye Gi
Bujh Jaye Ga Chiraagh e nazar Uske Baad Kia
Uthi Thi Khaak , Khaak Se Mil Jaye Gi Wahein
Phir Uske Baad Kis Ko Khabar Uske Baad Kia